Wir verwenden Cookies, um die Benutzerfreundlichkeit dieser Webseite zu erhöhen (mehr Informationen).

Prof. Dr. Werner Gitt

Мен кёкге къалай тюшейим?

Die grundlegende Frage, die suchende Menschen sich stellen, wird hier von Prof. Dr. Werner Gitt beantwortet. "Wie findet man den Himmel?" Auf jeden Fall nicht durch eigene Anstrengungen oder Konzepte. "Was aber bringt uns wirklich in den Himmel?" Gott hat die Einladungen für den Himmel schon verteilt wie im Gleichnis des Menschen, der zu einem großen Fest Einladungen verschickte. Doch viele Menschen redeten sich heraus.

Prof. Dr. Gitt ruft dazu auf, nicht so "kurzsichtig" wie diese Leute zu sein. Jesus will uns vor der Hölle erretten und diese wird kein Vergleich zu der sogenannten "Hölle von Auschwitz" sein. Er hat am Kreuz für unsere Schuld bezahlt, wir müssen diese Einladung nur annehmen, dann ist ein Platz im Himmel "gebucht". Ein Entscheidungsgebet soll den Lesern dabei helfen.

Dieses Traktat eignet sich besonders gut zur Weitergabe an suchende Menschen!

8 Seiten, Best.-Nr. 120-66

Dieses Traktat steht derzeit nur als Download zur Verfügung. Ab einer Bestellmenge von mind. 1.000 Stück geben wir es für Sie gern in den Druck.



Мен кёкге къалай тюшейим?

Адамланы кёбюсю, ол къой эсенг, ёлюр кюнлерине сагъыш этгенле да, ёмюрлюкню (ёлюмсюзлюкню) юсюнден сагъыш этмейдиле, аны бла бирге санлары къабыргъа киргенликге, аланы тауусулмазлыкъ, бошалмазлыкъ джашауну – уллу Къадар бла бирге кёкледе джашауну, неда джаханимде ёлюуню кёзлерине кёргюзтмейдиле. Американлы актриса Дрю Бэрримор джети джыл болгъанында «Инопланетяне» («Башха джерден келген») деген фантастика кинода баш рольню ойнагъанды. Анга 29 джыл толгъанында (ол 1975-чи джыл туугъанды), былай айтханды: «Киштигимден алгъа ёлгеним болса, анга мени этими ашатырла. Алай болса, киштикни санларында джашарыкъма мен». Ёлюмню юсюнде аллай сагъышла, аллай къарангылыкъ, джукъ билмегенликден аман зат бармыды?

Исса файгъамбар джашагъан заманда Анга бек кёб адам джюрюгенди. Аланы кёбюсюню соруулары, джарсыулары да джерде джашауну юсюнден болгъанды.

  • келепен ауруудан он адам сау болургъа излегендиле  (Лук. 17:13)
  • сокъурла кёрюрге излегендиле (Мат. 9:27)
  • ким эсе даб атасындан къалгъан мюлкню юлешиуюде болушлукъ сакълагъанды (Лук. 12613-14)
  • фарисейле анга хыйла соруула бла келгендиле: кесарьгъа тазир тёлейикми, тёлемейикми? (Мат. 22-17)

Исса файгъамбаргъа къуру бир талай адам келгендиле, Кёкге къалай тюшерге боллугъун Анга сорургъа. Ким эсе да бир джаш Анга сорууу болуб, Иссаны излегенди: «Багъалы Устаз! Ёмюрлюк джашауну табар ючюн меннге не этерге керекди?» (Лук. 18618). Исса анга джюрегинг бла байламлы болгъан затынгы джугъун къойма да сат, ол заманда Аны ызындан барыргъа боллукъду. Алай а ол джаш адам бек бай болгъанды да, мюлкюн, Исса айтханча, сатаргъа унамагъанды. Алай этгени бла, ёмюрлюк джашаудан къуру къалгъанды. Ёмюрлюк джашауну кёкледе излегенле да болгъандыла, алай а Исса бла тюбешиб, ол затны билгенлеринде, не кюрешиб да аллай джашауну табаргъа излегендиле. Сёз ючюн, Закхей Исса бла тюбеширге бек излегенди, болса да, кеси излегенинден эсе талай кереге кёб табханды – Исса Закхейде къонакъда болгъан заманда, ауузлана тургъанлай, Кёкню табханды. Исса былай айтханды: «Мындан ары бу юйге насыб келгенди» (Лук. 19:9).

Ёмюрлюк джашауну къалай табаргъа боллукъду?

Башында айтылгъандан быллай оюм этерге боллукъбуз:

  • Кёк Байлыкъны адам бир сейир кюн табады. Сиз, багъалы окъуучула, Къадарны кючю бла, бюгюнден башлаб ёмюрлюк джашауну табаргъа боллукъсуз;
  • Кёк Байлыкъны табыу не да болсун, бир бочла бла байланыб тюйюлдю;
  • Кёк Байлыкъны излеуге иш этиб хазырланыу керек тюйюлдю.

Къадарны сёзюне таянмасакъ, ёмюрлюк джашауну излей, биз кесибиз этген оноула бла кесибизни кюрешиуюбюз джукъгъа да джарарыкъ тюйюлдюле. Клоунну юсюнден, кесини джырында бир эстрадада джырлаучу къыз былай айтханды: «Адамлагъа кесини джырлары бла къууанч келтиргени себебли, ол кёкге сёзсюз да тюшерикди». Адамлагъа болушлукъ этген фондну тамадасы, тамам бир бай тиширыу, бир кереге къарыусуз халлары болгъан 20 тиширыугъа хакъсыз джашарча мекям ишлегенди. Аны джангыз бир излегени болгъанды – ала тилеклеринде бир толу сагъаты ол тиширыуну джанына себеб болурча тилекле этерге керек болгъандыла.

Кертиси бла да биз кёкге къалай тюшерге боллукъбуз?

Бу затны бизге ангылатыр ючюн, Исса быллай хапар айтханды (Лук. 14:16): Бир адам (хапарда ол Къадаргъа джан салады) уллу къурманлыкъ этерге тебрегенди да (кёкню юсюнден барады хапар), кёб адамгъа чакъырыу къагъытла джибергенди. Мындан ары болгъаны адамны эсин къатышдырырчады. Бютеу къурманлыкъгъа чакъырылгъанла, баралмазлыкъларын айтхандыла: «Бири-бири бла келишгенча, бары да кечмеклик тилегендиле.

Биринчиси айтханды: мен джерни сатыб алгъанма…

Экинчиси: мен он ёгюзню сатыб алгъанма…

Ючюнчюсю: мен юйдегиленнген этгенме, ол себебден баралмайма».

Исса сёзюн къурманлыкъгъа чакъыргъанны айтханы бла бошайды: «Мен чакъыргъанланы бир джангызы да къурманлыкъдан аузуна тийирлик тюйюдю» (Лук. 14:24).

Мынга кёре, Кёк Байлыкъны табаргъа боллукъду, алай а, тас этерге да боллукъду. Аны оноуун этген – биз чакъырыуну къабыл этерикбизми, огъесе къабыл этерик тюйюлбюзмю. Андан тынч зат бармыды? Къайдам! Бара-баргъан заманда бизни бир къауумубуз Кёк Байлыкъгъа тюшалмасала, аны себеби аланы билмегенликлеринден тюйюлдю, чакъырыугъа эс бёлмегенликден боллукъду.

Хапарны башында айтылгъан ючюсю бизге юлгю болургъа болмайдыла, нек десенг, аланы бири да чакъырыугъа эс бёлмей, къурманлыкъгъа келмегендиле! Алагъа къарамай, къурманлыкъ этилгенди! Ала огъай дегенлеринден сора, джюйюсхан джангыдан чакъырыула иеди, алай а бу джол чакъырыула алтын харифле бла джазылмай, тюз къагъытла боладыла. Алада былай джазылады: «Келигиз!» Ол къагъытланы алгъан хар бири, аланы орунлары хазыр болуб тургъанларын биледиле. Сора? Адамла келедиле. Бирем-бирем тюйюл, джоппу-джоппу болуб. Кесек замандан, къурманлыкъ этген адам, дагъыда кёб орун бош къалгъанын кёреди. Ол кесини джумушчусуна: «Бар да, энтда келирча сингдир башларына…»

Бу хапар бизни бюгюнюбюзню ариу суратлайды. Кёкде энтда бош орун кёбдю, Къадар да бизге: «Кел да, кёкде кесинги орнунгу ал. Акъыллы бол, кесинге ёмюрлюк орун хазырлаб къой! Бу ишни бюгюнден ары созма!» - дейди.

Кёк, адам-адамгъа айтмазча, алай игиди, ариуду. Ол себебден, Исса аны аламат къурманлыкъ бла тенглешдиреди. Кесини Каринфянлагъа биринчи чакъырыуунда 2:9 кёкню юсюнден былай айтылады: «Аны сюйгенлеге Къадар киши ёмюрюнде кёзю бла кёрмеген, къулагъы бла эшитмеген, ёмюрюнде джюрегинде болмагъан бир байлыкъны бергенди». Бу джерни юсюнде кёк бла тенглешдирирча бир зат да джокъду. Анда айтыб-айталмазча бир сейирди! Биз ары тюшер ючюн не къарыуубузну да аямазгъа керекбиз - Кёк аллай багъалыды.

Къадарны джашы Исса кёкню эшиклерин бизге кенг ачханды, эмда Аны кючю бла бизге ары тюшюу алай къыйын боллукъ тюйюлдю. Энди хар не зат да бизни кесибизденди. Джангыз ол затны кёрмегенле, ол юч адамча, чакъыуруну къабыл этерик тюйюлдюле.

Джаныбызны сакълау Иссаны кючю бла келеди

«Апостолланы этген ишлери» деген китабда (2:21) биз тамам керекли сёзлени табабыз: «Ким да болсун, Къадарны (Иссаны) атын айтхан сакъланныкъды». Ол Джангы Заветни ара магъанасыды. Павел апостол Филиппы шахарда тюрмеде тургъанлай, алайыны къарауулу бла ушагъын бу сёзле бла бошагъанды: «Иссагъа ийнансанг, сен кесинг да, саулай юйдегинг да сакъланныкъсыз» (Деян. 16:31). Джазылгъан аз, къысха болгъанлыкъгъа, магъанасы адамны джашауун дженгил огъуна тюрлендириге себеб береди. Ол кече огъуна, къарауул этген джангылычларына кечмеклик тилеб, бютеу джанын Иссагъа бургъанды.

Биз толу, амалсыз билирге керекли дагъыда бир зат барды: Исса бизни ёмюрлк къыйынлыкъны джолундан - джаханимден къутхарыргъа излейди. Инджил атханнга кёре, кёкде да, джаханимде да адамла ёмюрлери турлукъдула. Аланы турур джерлерини бири бек аламат, экичнчи - къыйынды, азаблыды, къоркъуулуду. Башха тюрлю ючюнчю зат джокъду. Джаны чыкъгъандан сора, беш минутдан киши да айталлыкъ тюйюлдю ауушханы бла хар зат да бошалады деб. Барына да Исса оноу этеди. Бизни ёмюрлюк джашауубуз джангыз Иссаны къолундады, эмда бизни аны бла келишиуюбюзде!

Къачан эсе да мен лекцияла окъуй Польшагъа баргъан эдим да, сора бизни Освенцимде тутмакъланы лагерлерине элтидле. Ючюнчю рейхни заманында ол джерде уллу артыкълыкъла этилиб тургъандыла. 1942-чи джылдан 1944-чю джылгъа деринчин миллион джарым тутмакъны газ бла ёлтюргендиле, джанлары саулай кюйдюргендиле. Аланы кёбюсю чууутлу болгъанды. Адабиятда быллай затны юсюнден «Освенцимни джаханими» деген ангылам джюрюйдю. Бир кереге алты джюз адамны «сыйындыргъан» газ камерагъа киргеникде, мен бу ангыламны юсюнден кёб сагъыш этген эдим. Бу бек уллу артыкълыкъды. Быллай зат тюз адамны мыйысына сыйынмайды. Алай а ол керти джаханим болгъан болурму?

Бизни экскурсиягъа баргъан бёлегибиз ол газ камераланы толу кёрюрча болум бар эди. Нек десенг, бусагъатда алайда аллай артыкълыкъла этилмейдиле. Ол къыйынлыкъланы 1945-чи джыл тохтатхандыла. Освенцимни газ къыйынлыгъы заман бла бир талайны баргъанды, Инджилде айтылгъан джаханимни уа заман тыйгъычы джокъду.

Освенцимни музейини кирген джеринде къабыргъагъа керилиб тургъан адамны сураты кёзюме илинди. Ким эсе да бир тутмакъ, алайда къабыргъаны чюй бюла къырыб, мен да былайма деген магъананы бергенди. Ол тутмакъ, аныча башхала бла бирге газ камерада ёлгенди, алай а, Сакълаучу Иссаны билгенди. Ол аллай худжу джерде джан берсе да, кёкню эшиклери анга ачыкъ болгъандыла. Джангы Инджилде айтылгъанча, Исса бизни сакълаб кюрешген джаханимден (сёз ючюн, Мат. 7:13; 5:29-30; 18:8), адам къутулаллыкъ да, сакъланаллыкъ да тюйюлдю. Освенцим бла тенглешдиргенде, джаханим ёмюрлени узагъына «ишлейди», алай бла кесек заманны айланаллыкъ тюйюлсе джаханимде.

Кёк да тауусулмайды, хаман да турады. Къадар бизни элтирге излеген джерди ол. Ол себебден, Къадарны чакъырыууна огъай демегиз да, келигиз. Тейрини атын айтыб, алай бла кесигизге орунла хазырлагъыз!

Бир джолда, лекция бошалгъандан сора, бир тиширыу, ауазы къалтырай, меннге быллай соруу берди: «Кесинге ёмюрлюкню хзырлаб къояргъа боллукъмуду? Ол зат экскурсияла бардырыучу бюрогъа ушамаймыды?». Мен аны бла хош болдум: «Киши эртдерекден хазырламаса, ол аягъына джеталмайды. Сиз Гавай джарым айрымканнга барыр ючюн, къолугъузда билетигиз болургъа керекди.». Ол дагъыда меннге былай сорду: «Билет алыр ючюн, аны багъасын тёлерге керекди да?» - «Иги да, кёкге билетинг болур ючюн да – тёлерге керекди! Алай а ол билетни багъасы аллай уллуду, аны берир къарыуу бир адамны да джокъду. Анга тыйгъыч салгъан биз этген гюнахладыла. Тейри кесини джеринде къаллай да болсун, гюнахны кётюрмейди. Ким да болсун, мында джашауундан сора тейрини къатында кёкледе джашаргъа сюе эсе, ол кесини гюнахларындан толусу бла къутулургъа керекди. Гюнахланы кечерик джангыз Къадарды да, къуру олду сизни аладан бош этерик! Ол алай этер ючюн, Къачха чюйлениб, кесини къаны бла тёлегенди сизни гюнахларыгъыз ючюн».

Алай эсе, мен кёкледе ёмюрлюк джашауну табар ючюн, не этерге керекме? Тейри бизни хар бирибзни Сакълар ючюн, бизни бирем-башха чакъыргъан этеди. Инджилни кёб джеринде айтылады Тейирини чакъырыууна эс бёлюгюз, деб»

  • «Тар къабакъ эшикледен сыбдырылыб ётерге излегиз» (Лук. 132:24).
  • «Кечмеклик тилегиз, нек дегенде, Кёк байлыкъ джууукълашхан этгенди» (Мат. 4:17).
  • «Тар къабакъ эшикледен ётюгюз; алай демеклик, эркин къабакъ эшикле бла эркин, бош джол азабха элтедиле; нек десенг, тар эшикле бла тар джол джашаугъа элтедиле, алай а кёбюсю аланы табалмайдыла» (Мат. 7613-14).
  • «Сен чакъырылгъан ёмюрлюк джашаугъа джабыш, къадал» (1 Тим. 6:12).
  • «Иссагъа толу ийнансанг, сен къалырса…» (Деян. 16:31).

Бу затла бары да бизни ийнандыргъан этедиле, тохтаусуз чакъыргъанлай турадыла. Алада болумну артха салыргъа болмагъаны, ёхтем атларгъа кереклиси айтылады. Джангыз тилекледиле, толу ийнаныуду чакъырыугъа бизни джууабыбыбз. Сёз ючюн, ол тилек быллай болургъа керкди:

«Сыйлы Исса, эндиге дери Сен болмагъанча джашаб тургъанма мен. Бюгюн мени Сени билдим, Сени таныдым. Биринчи кере тилеклерими Сеннге айландырыргъа излеме.

Энди мен джандет да, джаханим да болгъанын билдим, ийнандым. Мени джаханимни отундан Кесинг сакъла, Сеннге бюгюннге дери ийнанмай тургъанымы да бир кеч, деб тилейме. Бусагъатда мен излеген джангыз бир зат барды – ёмюрлюкге Кёкде Сени къатынгда болургъа. Не игиликле, не керекли джумушла этген эсем да, ала бары да меннге Кёкде орун «хазырларыкъ» тюйюлдюле. Джангыз сеннге ийнаныуум бла табыныуум ачарыкъдыла меннге Кёкню къабакъ эшиклерин. Не ючюн десенг, сен мени сюйген этесе, не ючюн десенг, Сен мени гюнахларымы кесинге алыб, Къачда ёлгенсе. Кесинги ёлюмюнг бла мени джанымы тазалагъанса. Туугъанымдан бюгюнюме дери этген гюнахларымы кёргенинг ючюн, мен Сеннге разыма. Джашауумда этген гюнахларымы сен барын да ариу билесе: ол къой эсенг, мен кесим билгенлени да, мен эртде унутуб бошагъанланы да. Мени юсюмден Сен хар нени да билесе. Къууанчаха болсун, къыйынлыкъгъа болсун, джюрегими хар ургъаны Сеннге белгилиди. Мен Сени аллынгда – ачкъ китабха ушайма. Бусагъатда болумум бла мен Сени аллынга баралмайма, Кёкге да тюшаллыкъ тюйюлме. Ол себебден, мен Сенден тилейме: мен хакъ джюрегим бла сокъураннган – кеч гюнахларымы. Бюгюнден башлаб, мен Сени буйрукъ бериучюге санайма кесиме. Кесинги эркинлигинге ал мени джашаууму. Сен сюйгенча, сен буюргъанча джашаргъа излейме мен. Тилейме, меннге Сени бла болургъа чырмау болгъан затладан ариула. Сен джаратхан затланы сал мени джюрегиме, джаныма. Ач меннге Кесинги Сёзюнгю тахсаларын – Инджилни. Аны ююсю бла Сен меннге айтыргъа излеген затларынгы ангылат, эмда аны юсю бла бир билдир меннге джашау кюч, къарыу къалай алыргъа боллугъун, къууанчны татыуун. Мындан ары Сен мени ПАТЧАХЫМСА, Сен айтханны эте, Сени ызынгдан барыргъа болуш. Къайсы джол бла, къалай барырымы бир кёргюзт, тилейме. Мени эшитгенинг ючюн Сенге уллу бюсюреу этеме. Сеннге айланыб табарыкъма Кёкню, Сени бла боллукъма бирге. Энди Сен не тюрлю чурумда да, къалайда да мени бла боллугъунг уллу къууанчды. Тилейме, Сеннге менича ийнаннган башха адамланы табаргъа болуш. Хаман да Сени атынгы эшите, Инджилни джорукълары бла джашагъанла бла бир тюбешдир, танышдыр. Амин».

Профессор, техника илмуланы
доктору Вернер Гитт